अछाम। दशैं मनाएर भारत फर्किएका अछामका प्रेमबहादुर बुढाको भारतमा भएको सडक दुर्घटनामा निधन भएको छ। दुर्घटना आज बिहान करिब ५ बजे भारतको बढौदा सहर नजिकै भएको हो।

अछामको तुर्माखाँद गाउँपालिका–५ निवासी ७३ वर्षीय प्रेमबहादुर बुढा भारतस्थित ट्रकको ठक्करमा परी निधन भएको परिवारले पुष्टि गरेको छ। बुढा दशैंका अवसरमा नेपाल आएर घर परिवारलाई भेटेर फेरि भारत फर्केका थिए। भारतमा भएका छोराहरूलाई भेट्न जाँदै गर्दा बाटोमा ट्रकले ठक्कर दिँदा उनी घटनास्थलमै निधन भएको उनका नाति राजन बुढाले जानकारी दिएका छन्।

दुर्घटनापछि भारतीय प्रहरीले घटनास्थलमा पुगेर ट्रकलाई नियन्त्रणमा लिकाे छ।