नवनियुक्त प्रमुख कार्यकारी अधिकृत सुवेदीसँग कृषि विकास बैंक लिमिटेडमा कायममुकायम प्रमुख कार्यकारी अधिकृत तथा नायब महाप्रबन्धकको रूपमा लामो समय सफल नेतृत्वदायी कार्य गरेको अनुभव रहेको छ।

उनले त्रिभुवन विश्वविद्यालयबाट मार्केटिङ विषयमा एमबिए  तथा बीएड  हासिल गरेका छन्। विभिन्न वित्तीय संस्था, नियमनकारी निकाय र व्यवस्थापकीय क्षेत्रमा दुई दशकभन्दा बढीको व्यावसायिक अनुभव सँगालेका सुवेदीले नेको इन्स्योरेन्स लगायतका संस्थामा सञ्चालक समितिको सदस्यको रूपमा समेत जिम्मेवारी निभाएका छन्।